مستر الامتحان كان سهل جدداا وجميل الفضل ل ربنا الأول وبعدين لحضرتك شكرااا لحضرتك بجد ولتعبك معانا يا مستررر 🫶🏻 وهو كلو الفضل لحضرتك بجد يا مستر ومجهودك معانا بجد حقيقي شكرا جدااا يا مستر ربنا يوفقك لان حضرتك تستاهل كل خير 🫶🏻

جبت النتيجة في شوال معلش بقى مش بكلم حضرتك من زمان وشكرا على التعب وكل الكلام اللي الناس بتقوله في المواقف دي واللي انا مش عارفه😂 و معلش اتاخرت عليك في اني ابعت النتيجة بس بحب اكون في الاخر مقتديا بمقولة الاخير ربه كريم 😂😂😂 وبقيت دكتور رسمي الحمد لله

السلام عليكم ورحمه الله وبركاته جزاك الله خيرا على مجهودك وتعبك وعلى الوقت اللى قبلت محمد فيه مفيش كلمه شكر تنفع جزاك الله خيرا ونفع بك محمد جاب ٧٧.٥ عربي وطلع الثاني على المحافظة بفضل الله ثم تعب حضرتك

لما رأيت استوريهات الطلاب اليوم_ بخصوص إنتهاء العام الدراسي_ورأيت الحزن الشديد في أعينهم تذكرت اليوم الأخير لنا في الثانوية العامة، وأدركت إن المشكلة ليست لإني كنت حساسة بزيادة ومتأثرة بفراقكم، لكن يبدو إن المشكلة إن حضرتك محبوب من كل الطلاب وتترك أثر طيب في كل من تدرس له، فعلاً ستظل المدرس المفضل لي ولكل طلابك حتى لو لم نراك بعد🤍 حابة أقول لحضرتك إني لما دخلت تربية أخترت أدخل قسم اللغة العربية؛ لإني أحبها حباً شديداً، وهذا بفضل الله ثم بفضل حضرتك، والسنة الماضية وهذه السنة أيضاً الأولى على القسم وليا ترتيب على الدفعة؛ وذلك لما رسخته لنا من حب في اللغة العربية🤍. الحمد لله أنا عايشة بفضلك عليا كل ما أمر به من فضلك وتأسيسك الصح لي، جزاك الله عنا خيرا، ونفع بك، وكثر من أمثالك!

"معلمي الغالي بنيت آمالي علمتني لغتي ومجدها العالي نورت لي قلبي ورسمت لي دربي معلمي الغالي ..هديت لك حبي " حضرتك بجد ي مستر من أعظم الشخصيات اللي تعاملت معاها في الثانويه وبجد حصتك كانت عندي حاجه تانيه مكنتش بحب يعدي الاسبوع من غير محضر حصتك بجد هتوحشنا خالص وليك معزه عندي والله واتمنالك التوفيق في حياتك واشوفك في أحسن مكان يارب ومهما اقول حضرتك القائد ... تلميذتك ايمان نادي

بأمانة ربنا عاوز دماااغ وحقيقي كنت حاسة اني بحل بياان نفس الأفكار وافكار مذكرة النحو برضو تقريبا كلها في المذكرة خلصت ع الوقت بالظبط وعملت كل اللي كنت بتقولنا عليه بدأت بالنحو وخليت التظليل اخر حاجه والمغزي كان جاي سؤالين علي حظي بس برضو افتكرت كلام حضرتك واستبعدت نسأل الله التوفيق لأن والله العربي تعبتله جامد 🥲 وانا قاعدة بحل النحو كنت عمالة اقول والله استاذ محمود ده باشا🫡

خلصت بسرعة اوي ي مستر بجد عاوزة اقول لحضرتك شكرا والله كنت طول ال3 سنين نعم المدرس والاخ وحضرتك عارف اني بعزك جدا جدا يعني🥹 لسة والله فاكرة الفيديو بتاع السنة اللي فاتت وحضرتك قولتلي عقبالك وكدا وانا ساعتها كدا قولت هو معقول في يوم من الايام هتخلص بجد وخلاص كدا مفيش ثانوي تاني وحصل فعلا وجريت والله ولسة فاكرة نصيحة حضرتك في سنة تانية لما قولتلك انا مش عارفة هدخلها ازاي دا انا بزهق بسرعه وكدا ساعتها قولتلي هي عاوزة نفس طوييييل كل ما بيأس أو بزهق مش بفتكر غير الجملة دي علي الرغم من أنها مكنتش احسن حاجه خااالص بالنسبالي ومريت بحاجات كتيرة جدا السنادي بس والله كان الدرس فعلا من الدروس اللي بتهون عليا وكنت حريصة قدر الإمكان طول السنة اني مغيبش حتي ساعة فترة فرح اختي كنت باجي (بعيدا عن الفترة الأخيرة لأنها والله كانت غصب) لاني عارفة اد ايه المستر حريص علي مصلحة فاطمة وعلي مصلحتنا كلنا وعارفة ان حضرتك تتمني تشوفنا كلنا في أحسن مكان ووالله لو ربنا ان شاء الله كرمني وجبت المجموع اللي نفسي فيه والدرجة اللي نفسي فيها في العربي هتكون علشان اشرف حضرتك بعد التعب كله ده لان حضرتك فعلا تستاهل تفتخر بينا كلنا ويارب بحق الايام دي يوم النتيجه نشرفك يا مستر🥹🤍🤍🤍 هتوحشنا ي قائد🤍 اه بحق🐣 ابقي خدني معاك الرحلة الجاية رأفة علشان السنادي كانت وسط ضغوطات🫣

الحمدلله والنحو كان سهل جدا جدا جدا والاسئله حلينا زيها اكتر من مره حصل والله كل البنات قالت كدا وال مش عند حضرتك فين فين رحنا فتحنا المذكرات ووريناهم شكرا لحضرتك والله علي تعبك معانا وربنا دايما هيوفق حضرتك لانك مخلص في شغلك وبتشتغل صح دايما وبتقول كل حاجه تفيدنا شكرا بجد

انا عبدالرحمن محمد سيد الحمد لله حليت بطريقه حضرتك وكلو كان تمام

‬‏باشتنا عامل اي يباشا الحمد الله يمستر النحو كلو كنا حالينو والحمدالله مرحش هدر تسلم يا قائد هتوحشنا والله 🫶

مستررررر الامتحاااان كان جامد جموده بجد 😂❤ دا طبعا كنا منتظرينه ،لان حضرتك تعبت معانا كتيير وحلينه الحمدلله كم كبير اوووى ف جميع الفروع وفيه اسئله كانت بالنص ولو مجتش بالنص بتكون نفس الافكار . شكرااا ي مستر🫶🏼🩵

‬‏الحمدلله الامتحان كان اغلبه ال حد ماكويس ‬‏واغلب بتاع ال متحرر كانت من المراجعات ال حضرتك شرحتها

الحمدالله الإمتحان كان حلو وفى قطعتين من المذكره بس أسئله وحده فيهم مختلفة عن المذكره والنحو كان سهل وكله حلينه معك لأن ربنا عالم إن إنت تعبت معنا أوى وعملت ال عليك اتجاهنا ،فلله الفضل ثم ليك لان معظم الإمتحان حلينه🥰

شكرا جدا يا مستر على تعبك معانا وشهادة حق بجد المعسكر ده كان مفيد جدا لينا وده شفناه او شفته انا في الامتحان النهاردة وانا بحل💗

شكرا يا مستر علي تعبك معنا والحمد لله الامتحان كان كويس ومعظم الأسئلة كنا حالين زيها بفضل الله

أكيد يا مستر في دعواتنا 🤍 الامتحان كان حلو بس كان محتاج وقت والاسئله مدربين عليها اينعم النحو كان فيه تكات بس واخدينها وبجد المعسكر كان حلو وجمع معانا كتير "العبرة بالنهايه " الخيل لا تُعرف إلا في نهاية السباق